جموں و کشمیر: ڈی سی نے محرم کے انتظامات کا جائزہ لیا

کرگل کے ڈپٹی کمشنر و ڈسٹرکٹ مجسٹریٹ بصیرالحق چودھری نے انجمن 'جمعیت علماء اثنا عشریہ' کے دیگر مقامات پر محرم کے پروگرام کے انتظامات کا جائزہ لیا۔

مرکز کے زیر انتظام جموں و کشمیر کے ضلع کرگل کے ڈپٹی کمشنر و ڈسٹرکٹ مجسٹریٹ بصیرالحق چودھری نے انجمن 'جمعیت علماء اثنا عشریہ' کرگل اور امام خمینی میموریل ٹرسٹ کے احاطے میں حسینی پارک کے علاوہ دیگر علاقوں میں منعقد ہونے والے محرم کے پروگرام کے انتظامات کا جائزہ لیا۔

ڈی سی نے انتظامات پر اطمینان کا اظہار کرتے ہوئے ضلعی انتظامیہ کی جانب سے جاری کردہ ایس او پیز کی مناسب پاسداری کے ساتھ ماتمی اجتماعات کی پاسداری پر منتظمین کو سراہا'۔

انہوں نے مذہبی رہنماؤں کو کہاکہ وہ ماسک، سینیٹائزر کے استعمال، سماجی دوری، ماتم کے مقامات کی تزئین و آرائش اور دیگر مطلوبہ اقدامات جیسے ایس او پیز کی سخت پاسداری کو یقینی بنائیں تاکہ محرم کی اجتماعات اور ماتمی مجالس میں آنے والے افراد کی حفاظت کو یقینی بنایای جاسکے۔

ڈی سی نے متعلقہ افسران سے کہا کہ 'وہ سڑکوں اور گلیوں کی مناسب صفائی کو یقینی بنانے کے علاوہ حسینی پارک، قتل گاہ اور تمام امام بارگاہوں میں اور اس کے ارد گرد مناسب صفائی کو یقینی بنائیں۔

اس دوران پی ایچ ای، محکمہ ہیلتھ اینڈ پاور ڈویلپمنٹ کو ہدایت دی گئی کہ وہ مناسب میڈیکیئر، پینے کے پانی اور بجلی کی فراہمی کی بلا تعطل سہولیات کے مناسب انتظامات کو یقینی بنائیں۔

ڈی سی نے مذہبی تنظیموں کے رہنماؤں سے کہا کہ وہ ماتمی اجتماعات کے انتظامات سے متعلق کسی بھی معاملے پر ضلعی انتظامیہ کی جانب سے نامزد کردہ افسران سے رابطہ قائم کریں۔

انہوں نے مذہبی تنظیموں اور متعلقہ محکموں کے درمیان قریبی رابطہ کا بھی مطالبہ کیا تاکہ ماتمی اجتماعات کی پاسداری کے دوران لوگوں کو ہر ممکن ضرورت کی فراہمی کو یقینی بنایا جا سکے۔

دریں اثناء، کرگل ٹاؤن اور ضلع کے دیگر حصوں میں آج سے انتظامیہ کی طرف سے جاری کردہ ایس او پیز کی سخت پاسداری کے دوران ماتمی اجتماعات کا آغاز ہوا ہے ۔