منان وانی کا کہنا ہے کہ ان کو بچپن سے ہی سائیکل پر سفر کرنے کا شوق تھا اور وہ کشمیر سے کنیا کماری تک کا سفر تقریباً ایک ماہ میں مکمل کریں گے۔
منان کا کہنا ہے کہ انہیں اس سفر کو طے کرنے کے لیے کسی نے کوئی مدد نہیں کی سوائے ان کے دوستوں اور گھر والوں کے۔ انہوں نے امید ظاہر کی کہ ان کا یہ سفر کامیاب رہے گا۔
منان نے مزید کہا کہ اس سفر کو طے کرنے کے لیے مجھے اپنے آپ کو ذہنی طور پر تیار کرنا پڑا۔
ای ٹی وی بھارت کے ساتھ بات کرتے ہوئے منان کے دوست سمیر نے بتایا کہ منان کشمیر کا کافی ہونہار سائکیلسٹ ہے اور اس نے پہلے بھی سوپور سے لیہہ تک کا سفر 2018 میں بائیس گھنٹوں میں طے کیا تھا اور اس نے کافی میڈلز بھی حاصل کیے ہیں۔
سمیر کا کہنا ہے کہ بدقسمتی سے سرکار اس سائیکلسٹ کو بالکل نظر انداز کر رہی ہے اور اسی لیے ہم نے سوچا کہ ہم اپنے خرچ پر اسے کشمیر سے کنیاکماری تک بھیجیں کیونکہ یہ ان کے بچپن کا خواب ہے۔