اننت ناگ میں مکمل کرفیو، عوام میں خوف و ہراس

جموں و کشمیر کے ضلع اننت ناگ میں موجودہ حالات کے تناظر میں مکمل طور پر کرفیو نافذ کیا گیا ہے۔

اس سلسلے میں اننت ناگ ضلع صدر مقام اور دیگر حساس مقامات پر فورسز کی اضافی تعیناتی عمل میں لائی گئی ہے ،اور کسی بھی ممکنہ صورتحال سے نمٹنے کے لیے فورسز کو الرٹ رکھا گیا ہے۔

ادھر جنوبی کشمیر کے دیگر اضلاع صدر مقامات اور دیہی علاقوں میں سخت امتناعی احکامات نافذ کئے گئے ہیں اور لوگوں کی نقل و حمل پر مکمل طور پر پابندی عائد کر دی گئی ہے۔ ریل سروس، انٹرنیٹ سروس اور فون خدمات بند کر دی گئی ہے اور ضلع میں آج صبح سے ہی بجلی کو بھی بند رکھا گیا۔

وہیں ضلعی سطح کے افسران کو کرفیو پاس اجراء کیے گئے ہیں ۔
محکمہ صحت میں کام کرنے والے ملازمین اور ہسپتال کی ایمرجنسی گاڑیوں کو بھی روکا جا رہا ہے۔