Literary Event In Ganderbal تقریب کا مقصد نوجوان نسل میں کشمیریت کو فروغ دینا ہے

گاندربل ضلع کے مانسبل میں واقع کانفرنس ہال میں کلچرل اینڈ سائنس فاؤنڈیشن کشمیر کی جانب سے ایک ادبی تقریب کا انعقاد کیا گیا جس میں وادی کے مختلف اضلاع سے تعلق رکھنے والے شعراء اور ادیب نے شرکت کی۔

گاندربل:مرکز کے زیر انتظام یوٹی جموں و کشمیر کے ضلع گاندربل کے مانسبل میں واقع کلچرل اینڈ سائنس فاؤنڈیشن کشمیر نے ایک ادبی تقریب کا اہتمام کیا۔ ادبی تقریب کی صدارت پروفیسر ناصر مرزا نے کی۔

اس موقع پر ان کے علاوہ صدر کلچرل اینڈ سائنس فاؤنڈیشن شہباز ہاکباری ظریفہ جان، ثقافتی سائنس اور فاؤنڈیشن کے سیکرٹری ڈاکٹر علی محمد نشتر بھی موجود تھے۔ پروفیسر ناصر مرزا کی صدارت میں شہباز ہاکباری کی تحریر کردہ کتاب ’’چم نہ کہے ناس گرند یہیں‘‘ کی تقریب رونمائی ہوئی۔

فاؤنڈیشن کے سیکرٹری ڈاکٹر علی محمد نشتر نے تقریب کی میزبانی کی اور فاؤنڈیشن کے مقاصد پر روشنی ڈالی، اس کے بعد تقریب میں ایک پینل ڈسکشن اور ایک کثیر لسانی مشاعرہ کا بھی اہتمام کیا گیا۔

اس تقریب میں وادی بھر کے ادیب نثار نسیم، گلشن بڈرانی، رحیم رضوان، شبنم شبیر، نے بھی شرکت کی۔ تقریب کے آخر میں پروفیسر ناصر مرزا نے ادب و ثقافت کے حوالے سے فاؤنڈیشن اور تقریب کو سراہا۔

اس موقع پر شرکاء نے تقریب کی اہمیت بیان کرتے ہوئے کہا کہ دراصل ہماری کوشش ہے کہ کسی نہ کسی طریقے سے کشمیر اور کشمیریت کو بحال رکھا جائے، اس کی اہمیت نوجوان نسل کو بتادی جائے۔تاکہ کشمیر کی نوجوان نسل کشمیر اور کشمیریت کو مزید فروغ دے سکیں۔