'سنہ 2020 میں جموں و کشمیر میں 215 عسکریت پسند ہلاک'

ڈی جی اے پی مہیشوری نے بتایا کہ گذشتہ سال جموں و کشمیر میں شدت پسند تنظیم حزب المجاہدین کے اعلی کمانڈر ریاض نائیکو سمیت 215 عسکریت پسندوں کو ہلاک کیا گیا۔ اسی کے ساتھ انہوں نے ماؤ نوازوں کے خلاف ہوئی کارروئیوں کی بھی جانکاری دی۔

ڈی جی اے پی مہیشوری نے اپنی سالانہ پریس کانفرنس میںگذشتہ سال عسکریت پسندوں کے خلاف کی گئی کارروائیوں کی جانکاری دی۔ انہوں نے حفاظتی دستوں کی کامیابی کا ذکر کرتے ہوئے کہا کہ گذشتہ سال جموں و کشمیر میں مجموعی طور پر 215 عکسریت پسندوں کو ہلاک کیا گیا۔ ہلاک کیے گئے عسکریت پسندوں میں حزب المجاہدین کے اعلی کمانڈر ریاض نائیکو کا نام بھی شامل ہے۔

اسی کے ساتھ اے پی مہیشوری نے ماؤ نوازوں کے خلاف ملی کامیابی کی بھی تفصیلی جانکاری دی۔ انہوں نے کہا کہ' سن 2020 میں سی آر پی ایف نے نکسل سے متاثرہ علاقوں میں 32 ماؤ نوازوں کو ہلاک کیا جبکہ 569 کو گرفتار کیا۔ اس کے علاوہ 340 ماؤ نوازوں نے ہماری سکیورٹی فورسز کے سامنے ہتھیار ڈالے۔ انہوں نے کہا کہ کوبرا نے 7 ماؤ نواز کو ہلاک کیا اور ایل ڈبلیو ای علاقوں میں 300 کلو گرام سے زائد آئی ای ڈی ضبط کیا۔'

سی آر پی ایف کے ڈی جی نے کہا کہ اہلکار اپنی خصوصی جنگل وارفیئر کمانڈو فورس کوبرا میں خواتین اہلکاروں کو شامل کرنے پر غور کررہی ہے۔

کمانڈو بٹالین فار ریسکیو ایکشن (کوبرا) کی ٹیمیں بنیادی طور پر نکسل متاثرہ علاقوں میں تعینات ہیں اور کچھ شمال مشرقی ریاستوں میں بھی عسکریت پسندوں کے خلاف کارروائیوں میں مصروف ہیں۔

انہوں نے کہا کہ ' ہمارا وی آئی پی سکیورٹی ونگ مستقل طور پر بڑھی ہے۔ ابھی تک ہمارے پاس پورے ملک میں 62 پروٹیکٹس ہیں اور گریٹر نوئیڈا میں ایک وی آئی پی سکیورٹی ٹریننگ سنٹر ہے۔ ہم نے اپنی سکیورٹی مشقوں میں بہتری لائی ہے اور اپنے بہترین ایس پی جی کو شامل کیا ہے۔'

سالانہ پریس کانفرنس سے خطاب کرتے ہوئے ڈی جی نے بتایا کہ سی آر پی ایف کے پاس بنگلورو میں کتے پالنے اور تربیت کا ایک مرکز ہے جہاں سے تربیت پانے والے تین مقامی نسلوں کے کتوں کو فورس میں شامل کیا جائے گا، کیونکہ تحقیق میں وہ مفید پائے گئے ہیں اور ان کی اچھی تربیت کی گئی ہے۔