سی آر پی ایف اہلکار نے خودکشی کی

ساتھیوں نے انہیں علاج ومعالجے کے لیے اسپتال لے جانے کی کوشش کی تاہم وہ موقع پر ہی ہلاک ہوگئے تھے۔

جنوبی کشمیر کے لیتہ پورہ میں سی آر پی ایف اہلکار نے خود کو گولی مار کر خود کشی کر لی۔

تفصیلات کے مطابق 185بٹالین سی آر پی ایف لیتہ پورہ کیمپ میں تعینات کانسٹبل ٹی سری نواس نے خود کو گولی مار کر خود کشی کر لی۔

بتایا جاتا ہے کہ اگرچہ اسکے ساتھیوں نے انہیں علاج ومعالجے کے لیے اسپتال لینے کی کوشش کی تاہم وہ موقع پر ہی ہلاک ہوگیا تھا۔

اونتی پورہ پولیس نے اس معاملے کے حوالے سے کیس درج کر کے تحقیقات شروع کردی ہے۔