اچانک گولی چلنے سے سی آر پی ایف جوان زخمی

یہ حادثہ ضلع بڈگام کے چاڈورہ کے ناگام علاقے میں اس وقت پیش آیا جب ایک سی آر پی ایف اہلکار کی سروس رائفل سے اچانک گولی چل گئی۔

وسطی کشمیر کے ضلع بڈگام میں ایک سی آر پی ایف اہلکار اپنی سروس رائفل سے گولی چلنے سے زخمی ہوگیا ہے۔

زخمی سی آر پی ایف کی حالت مستحکم بتائی جارہی ہے۔

پولیس ذرائع نے ای ٹی وی بھارت سے بات کرتے ہوئے کہا 117 سی آر پی ایف بٹالئن کے راجیش کمار جمعرات اور جمعہ کی شب کے دوران اچانک گولی لگنے سے زخمی ہوگیا۔

انہوں نے کہا کہ زخمی اہلکار کو فوری طورپر نزدیکی ہسپتال داخل کیا گیا جہاں انہیں 92 بیس اسپتال منتقل کیا گیا۔ زخمی سی آر پی ایف اہلکار کی حالت اب مستحکم ہے۔