Free Medical Camp At Haringanwan سی آرپی ایف کی جانب سے گاندربل میں مفت طبی کیمپ

ضلع گاندربل کے کنگن علاقے کے ہاری گنون میں 118 بٹالین سی آر پی ایف کی جانب سے ایک مفت طبی کیمپ کا انعقاد کیا گیا جس میں مقامی باشندوں نے جوش و خروش کے ساتھ حصہ لیا۔ کیمپ میں مریضوں کے درمیان دوائیں بھی تقسیم کی گئیں۔

گاندربل: مرکز کے زیر انتظام یوٹی جموں و کشمیر کے ضلع گاندربل کے کنگن علاقے کے ہاری گنون میں 118 بٹالین سی آر پی ایف کی جانب سے ایک مفت طبی کیمپ کا انعقاد کیا گیا جس میں مقامی باشندوں نے جوش و خروش کے ساتھ حصہ لیا۔کیمپ میں مریضوں کے درمیان دوائیں بھی تقسیم کی گئیں۔میڈیکل کیمپ میں قریبی دیہاتوں/علاقوں کے مریضوں اور ضرورت مندوں میں مفت ادویات تقسیم کی گئی۔ میڈیکل کیمپ میں کل 278 مقامی لوگوں کا معائنہ کیا گیا اور ان لوگوں نےاس سے فائدہ اٹھایا۔ کیمپ میں ڈاکٹر منوج کمار میڈیکل آفیسر سی آر پی ایف نے کنگن اسپتال کے ڈاکٹروں کے ساتھ مریضوں کا معائنہ کیا اور انہیں مجموعی صحت کو برقرار رکھنے کے لیے مشورہ دیا۔ اور انہیں کچھ ضروری مشورے بھی دۓ گۓ، جبکہ ساتھ ساتھ انہیں مفت ادویات بھی دی گئی۔ مقامی معززین، سول اور پولیس افسران، بی ڈی سی،

میڈیا نمائندوں اور علاقے کے مقامی لوگوں نے زبردست جوش و خروش کا مظاہرہ کیا اور 118 بٹالین سی آر پی ایف کی کوششوں کو سراہا۔ سی آر پی ایف کے افسران نے کہا کہ وہ علاقے میں دوستانہ ماحول جاری رکھیں گے اور آؤٹ ریچ پروگراموں کے ذریعے اور مستقبل قریب میں مفت طبی کیمپوں کے انعقاد کے ذریعے مقامی لوگوں کے درمیان بہتر ہم آہنگی پیدا کریں گے۔ اس موقعے پر مقامی لوگوں اور ڈی ڈی سی نے سی آر پی ایف کی اس بٹالین کے افسران کا یہ کہہ کر دل سے شکریہ کیا کہ اس علاقے کے اس علاقے کے اردگرد رہنے والے لوگوں کا اسپتال پہچنا مشکل ہوتا ہے۔ جسکی وجہ سے ہم سی آر پی ایف کا مفت میڈکل کیمپ اور مفت دوا دینے کےلئے شکریہ ادا کرتے ہیں۔

اس دوران سی آر پی ایف کے اس بٹالین کے کمانڈنگ آفیسر نے کہا ہے کہ ہم نے آج تک اس علاقے اور کنگن سب ڈویژن کے دوسرے علاقوں میں اس طرح کے کیء کیمپ منعقد کۓ گۓ ہیں اور ہماری یہ کوشش دوبارہ بھی جاری رہے گی، تاکہ غریب بیماروں تک پہنچایا جا سکے۔