فرضی سرٹفکیٹ کے معاملے میں چارج شیٹ داخل

کرائم برانچ کشمیر نے ضلع اننت ناگ سے تعلق رکھنے والے ایک شخص کے خلاف فرضی سرٹفکیٹ کے معاملے میں چارج شیٹ داخل کی ہے۔

جنوبی کشمیر کے ضلع اننت ناگ کے گٹلی گنڈ ویری کے رہنے والے محمد عارف گنائی ولد غلام نبی گنائی کے خلاف کرائم برانچ کشمیر نے کیس درج کرکے سرینگر کی ایک خصوصی عدالت میں چارج شیٹ داخل کی ہے۔

یہ کیس ایس ایس آر بی کی جانب سے پاور ڈیولپمنٹ ڈپارٹمنٹ میں جونئر انجینئر الیکٹرک کی تقرری میں فرضی ڈپلوما مارکس کارڈ اور پرویزنل سرٹفکیٹ پیش کرنے کے سلسلہ میں دائر کیا گیا ہے ۔

اس معاملے ایک تحریری شکایت موصول ہوئی تھی۔ جس کے بعد معاملہ کی تفتیش شروع کی گئی تھی۔ دوران تفتیش یہ پتہ چلا ہے کہ محمد عارف نے پاور ڈیولپمنٹ ڈپارٹمنٹ میں جونیئر انجینئر الیکٹرک کا منصب حاصل کرنے کے لئے مجاز حکام کے سامنے فرضی سرٹفکیٹس پیش کی تھیں۔