ترال میں کووڈ متاثرہ آٹھ غیر ریاستی مزدور فرار

اس واقعہ کے بعد مقامی آبادی میں تشویش کی لہر ہے۔ ان کا کہنا ہے کہ یہ لاپرواہی اس مہلک وبا کو مزید پھیلانے کا ایک بہت بڑا سبب بن سکتا ہے۔ انہوں نے متعلقہ انتظامیہ سے فرار شدہ کووڈ مثبت غیر ریاستی مزدوروں کا پتہ لگا کر فوری طور پر انہیں کورنٹین کرنے کی اپیل کی۔

جنوبی ضلع پلوامہ کے ترال ڈاڈسرہ علاقہ میں اس وقت لوگوں میں تشویش کی لہر دوڑ گئی۔ جب علاقہ میں ایک کرایہ کے کمرے میں مقیم کووڈ 19 مثبت غیر ریاستی مزدور دوران شب فرار ہو گئے۔

بتایا جا رہا ہے کہ سب ضلع ترال کے ڈاڈسرہ علاقہ میں چند روز قبل 18 غیر ریاستی مزدور ایک کرایہ کے کمرے میں رہائش پذیر تھے۔ ان میں سے آٹھ مزدوروں کو کووڈ-19 مثبت پایا گیا تھا۔ جنہیں انتظامیہ کی جانب سے ایک الگ کمرے میں کورنٹین ہونے کی صلاح دی گئی تھی۔ تاہم 16 اور 17 مئی کی درمیانی شب کے دوران ان آٹھ مثبت مریضوں سمیت تمام 18 مزدور مقام سے فرار ہو گئے ہیں۔

اس واقعہ کے بعد مقامی آبادی میں تشویش کی لہر دوڑ گئی ہے۔ ان کا کہنا ہے کہ یہ لاپرواہی اس مہلک وبا کو مزید پھیلانے کا ایک بہت بڑا سبب بن سکتا ہے۔ انہوں نے متعلقہ انتظامیہ سے فرار شدہ کووڈ مثبت غیر ریاستی مزدوروں کا پتہ لگا کر فوری طور پر انہیں کورنٹین کرنے کی اپیل کی۔

ادھر ذرائع کے حوالے سے پتہ چلا ہے کہ ضلع انتظامیہ کو واقعہ کے بارے میں با خبر کیا گیا ہے۔ جس کے بعد انتظامیہ نے مذکورہ مزدوروں کا سراغ لگانے کے لئے ایک ٹیم کو کام پر لگا دیا ہے۔