جموں: کورونا وائرس کے سبب کھیل سرگرمیاں معطل

جموں و کشمیر انتظامیہ نے مرکزی علاقے میں کورونا وائرس کے خطرے کو دیکھتے ہوئے جموں کھیل کونسل کے تمام مراکز میں کھیلوں کی سرگرمیوں کو معطل کرنے کی ہدایت دی۔

ضلع کھیل افسر نے حکم جاری کرتے ہوئے کہا کہ جموں و کشمیر کھیل کونسل کے سکربٹری کی ہدایت پر مرکزی علاقے کے تمام کھیل مراکز میں 13 مارچ سے کھیلوں کی سرگرمیوں کو معطل کیا جاتا ہے۔

تمام کوچ اور ٹرینرز کو ان احکامات پر عمل کرنے کے لئے کہا گیا ہے۔ قابل ذکر ہے کہ بدھ کو سرینگر انتظامیہ نے تمام کھیل اسٹیڈیم کو بند کرنے کی ہدایت کی تھی۔

یاد رہے کہ عالمی ادارہ صحت کی جانب سے کورونا وائرس یعنی کووڈ-19 کو ’’عالمی وبا‘‘ قرار دیا گیا ہے۔