جموں و کشمیر انتظامیہ نے لکھنپور کے راستے خصوصی ٹرینز اور بسز کے ذریعہ ملک کے دیگر حصوں میں پھنسے تقریبا ایک لاکھ 37 ہزار 864 رہائشیوں کو مرکزی علاقے میں واپس لایا ہے۔
اس دوران تمام ضروری رہنما خطوط اور معیاری آپریٹنگ طریقہ کار پر سختی سے عمل درآمد کیا گیا۔
اس سلسلے میں موصولہ سرکاری اعدادوشمار کے مطابق ، جموں وکشمیر انتظامیہ کو جموں اور ادھم پور ریلوے اسٹیشنز پر اب تک مختلف ریاستوں اور مرکزی علاقوں سے 53 خصوصی ٹرینیں موصول ہوئی ہیں ، جن میں قریب 42 ہزار 72 مسافر شامل ہیں۔
لہذا ، جموں و کشمیر انتظامیہ نے اب تک تقریبا 137864 رہائشیوں کو 53 خصوصی ٹرینز اور لکھنپور کے راستے درجنوں بسوں کے ذریعہ وائرس سے متعلق تمام ضروری حفاظتی اقدامات کا سختی سے مشاہدہ کرنے کے بعد یو ٹی میں واپس لایا ہے۔
اعدادوشمار کے تفصیلی رپورٹ کے مطابق ، کویت (بیرون ملک) سے 107 مسافروں سمیت تقریبا 1723 پھنسے مسافر 13 جون سے 14 جون تک لکھنپور کے راستے داخل ہوئے ہیں جبکہ 864 مسافر آج جموں کے 32 ویں دہلی کووڈ خصوصی ٹرین میں پہنچے ہیں۔ اب تک 32 ٹرینیں مختلف اضلاع سے تعلق رکھنے والے مجموعی طور پر 26376 پھنسے مسافروں کے ساتھ جموں پہنچ چکی ہیں جبکہ اب تک 21 خصوصی ٹرینوں میں 15696مسافر ادھمپور پہنچ چکے ہیں۔
