ڈپٹی کمشنر سرینگر ڈاکٹر شاہد اقبال چودھری جو ڈسٹرکٹ ڈیزاسٹر منیجمنٹ اتھارٹی کے چیئرمین بھی ہیں کا کہنا ہے کہ "یہ فیصلہ شہر میں کورونا وائرس کے مزید معاملات سامنے آنے کے پیش نظر لیا گیا ہے۔ اس کے علاوہ اب شہر میں متاثر علاقوں کی تعداد 14 ہو گئی ہے۔ اس لیے یہ اقدامات اٹھنے ضروری تھے۔۔'
اُن کا مزید کہنا ہے کہ "متاثرہ علاقوں میں ضروری اور ایمرجنسی خدمات سے منسلک افراد کے علاوہ کسی کو بھی جانے کی اجازت نہیں ہے۔ ان افراد کو بھی متاثرہ علاقوں میں داخل ہونے سے پہلے تمام ہدایات پر عمل کرنا لازمی ہے۔"
غیر سرکاری تنظیموں کے کام کے تعلق سے اُن کا کہنا تھا کہ "ان تنظیموں کو ڈسٹرکٹ ڈیزاسٹر منیجمنٹ اتھارٹی کے ساتھ تعاون کر کے اپنا کام انجام دینا ہوگا۔ کشمیر ایڈمنسٹریٹر سروس کے دو افسران کو غیر سرکاری تنظیموں کو ضروری مدت فراہم کرنے کی ذمےداری دی گئی ہے۔ اس کے مزید ایڈیشنل ڈسٹرکٹ مجسٹریٹ تمام ضرورت مند افراد کی تفصیلات کا ریکارڈ رکھے گئے ہیں تاکہ مدد فراہم کرنے میں آسانی ہو۔"
اُنہوں نے تمام سرکاری اور غیر سرکاری تنظیموں کو ہدایت کرتے ہوئے کہا کہ 'امدادی اشیاء کی تقسیم کرنے کی کوئی بھی تصویر یا ویڈیو سماجی رابطہ ویب سائٹ پر شائع نہیں ہونی چاہیے۔"
واضح رہے کی سرینگر انتظامیہ نے تقریباً 30 غیر سرکاری تنظیموں کے ساتھ مل کر کورونا وائرس کے پیش نظر عائد لاک ڈاؤن کے دوران عوام تک ضرورت زندگی کا سامان پہنچا رہی ہے۔