کوروناوئرس: ترال میں سخت بندشیں

کوروناوائرس کے خلاف جاری جنگ کے پیش نظر وادی کشمیر کے علاقوں میں بھی لاک ڈاؤن جاری ہے۔

جنوبی کشمیر کے ضلع پلوامہ ترال قصبے میں گزشتہ روزلاک ڈاؤن کی خلاف ورزی کرنے پر لاٹھی چارج کے بعد آج ترال میں انتظامیہ کی جانب سے زبردست بندشیں عائد کی گئی۔

اطلاعات کے مطابق خانقاہ فیض پناہ ترال کے ساتھ ساتھ کسی بھی مسجد میں جمعہ کی نماز ادا نہیں کی گئی۔ عام لوگوں کو بلا ضرورت بازار میں جانے کی اجازت بھی نہیں دی گئی۔ اس کے علاوہ سڑکوں پر خار دار تاریں بچھا دی گئیں اور پولیس نے لاؤڈ اسپیکرز کے ذریعہ عوام کو گھروں کے اندر رہنے کی اپیل بھی کی۔

واضح رہے کہ گزشتہ روز ترال میں پولیس نے لاک ڈاؤن کی خلاف ورزی کرنے پر لاٹھی چارج کیا تھا جس کی وجہ سے کئی افراد کو معمولی چوٹیں بھی آئی تھیں۔ تاہم عوامی حلقوں نے کورونا وائرس کو دیکھتے ہوئے پولیس کی اس کاروائی کی سراہنا کی ہے۔