کوروناوائرس: کشمیر میں سرکاری تعمیراتی کام شروع کیا جائے گا

کورونا وائرس کو پھیلاؤ سے روکنے کے لیے نافذ لاک ڈاؤن کے دوران وادی کشمیر میں سرکاری تعمیراتی کام شروع کیا جائے گا تاکہ محدود اقتصادی عمل کا آغاز ہوسکے۔

صوبائی کمشنر کشمیر پی کے پولے نے سرینگر میں پریس کانفرنس سے خطاب کرتے ہوئے کہا کہ سرکاری تعمیراتی کام طبی ضابطہ اخلاق کے تحت شروع کیا جائے گا-

پولے نے کہا کہ وادی کے بیشترعلاقوں میں منریگا اور دیگر چھوٹے چھوٹے سرکاری تعمیراتی کام بحال کیے جا چکے ہیں اور آنے والے دنوں میں اس میں سرعت لائی جائے گی-

انہوں نے کہا کہ جنوبی کشمیر کے ضلع پلوامہ کے کھریو علاقے میں سیمنٹ فیکٹرز کھول دی گئی ہیں تاکہ بیرونی ریاستوں کے 56000 مزدور اپنی روزی کما سکے-کووڈ 19 کے پھیلاؤ کے متعلق انہوں نے کہا کہ اگرچہ وادی کشمیر میں کیسز کی تعداد بڑھ رہی ہے لیکن اس کا مطلب یہ نہیں ہے کہ یہ وبا سماجی منتقلی کے مرحلے میں پہنچ گئی ہے-