کورونا وائرس: ٹرانسپورٹرز کو اوورلوڈنگ نہ کرنے کی ہدایات

سرینگر ضلع انتظامیہ نے کورونا وائرس وبا کے پھیلاؤ کو روکنے کے لیے ٹور اینڈ ٹریول آپریٹرز اور ٹرانسپورٹرز کو ہدایت جاری کی ہے کہ وہ کووڈ 19 کو مدنظر رکھتے ہوئے احکامات پر مکمل طور پر عمل کریں۔

ڈپٹی کمشنر سرینگر شاہد چودھری نے ٹور آپریٹرز کے ساتھ ایک میٹینگ میں ان کو ہدایت جاری کی کہ ان کے ذریعے کشمیر میں ہر آنے والے مسافر کی تفصیل حکام کے ساتھ شیئر کریں تاکہ انتظامیہ کو معلوم ہو کہ کون شخص کس ملک سے کشمیر واپس آرہا ہے تاکہ اس کی نگرانی اور ٹیسٹ کیا جا سکے۔

وہیں ٹرانسپورٹرز کو ہدایت دی گئی ہے کہ بسوں اور چھوٹی گاڑیوں میں اوورلوڈنگ نہ کریں بصورت دیگر ان کے خلاف قانونی کارروائی کی جائے گی۔

شاہد چودھری نے کہا کہ انتظامیہ کورونا وائرس وبا کے پھیلاؤ کو روکنے کے لیے یہ اقدامات اٹھا رہی ہیں تاکہ عوام اس وبا سے محفوظ رہیں۔