تل باغ پانپور میں محاصرہ، تلاشی شروع

علاقے کی طرف آنے جانے والی تمام سڑکوں کو سیل کر دیا گیا ہے۔ کسی کو بھی آنے جانے کی اجازت نہیں دی جا رہی ہے۔

جموں و کشمیر کے ضلع پلوامہ کے تل باغ پانپور میں فوج نے آج اُس وقت محاصرہ شروع کر دیا جب انہیں علاقے میں عسکریت پسندوں کی موجودگی کے بارے میں اطلاع موصول ہوٸی ۔

اطلاع کے مطابق 50 آر آر نے ایس او جی اور سی آر پی ایف کے ساتھ مشترکہ طور یہ محاصرہ شروع کر دیا ہے اور علاقے کی طرف آنے جانے والی تمام سڑکوں کو سیل کر دیا گیا ہے۔ کسی کو بھی آنے جانے کی اجازت نہیں دی جا رہی ہے۔

علاقے میں تلاشی کارروائی شروع کی گئی ہے۔ تاہم ابھی تک عسکریت پسندوں اور سکیورٹی فورسز کے درمیان کوٸی آمنا سامنا نہیں ہوا ہے۔