شمالی کشمیر کے ضلع بارہمولہ کے سب ڈویژن اوڑی کے مختلف علاقوں میں دوبارہ نافذ لاک ڈاؤن کا آغاز آج سے شروع ہوگیا ہے۔ان علاقوں میں داورین، گنگل، لگما، بانڈے شامل ہیں۔
انتظامہ نے کہا کہ لاک ڈاؤن کے دوران خلاف ورزی کرنے والوں کے خلاف سخت کارروائی کی جائے گی۔
یہ بھی پڑھیں
وہیں کووڈ-19 کے کیسز میں اضافے کے درمیان اتوار کی شام جموں کی ضلع کمشنر سشما چوہان نے 24 جولائی سے جزوی طور پر لاک ڈاؤن کا حکم دیا ہے۔
حکم نامے میں کہا گیا ہے کہ جموں میں جمعہ کی شام 6 بجے سے پیر کو صبح 6 بجے تک لاک ڈاون رہے گا اور لوگوں کو صرف طبی ہنگامی صورتحال کے لئے باہر جانے کی اجازت ہوگی۔
واضح رہے کہ جموں و کشمیر میں کووڈ 19 سے مرنے والوں کی تعداد 244 پہنچ چکی ہے جبکہ مثبت مریضوں کی تعداد 13 ہزار سے تجاوز کرگئی ہے۔ ان میں 5797 مریض ابھی بھی ایکٹیو پازیٹو ہیں جبکہ دیگر روبہ صحت ہوئے ہیں۔
