ہائی اسکول ساتھرہ میں کمیونٹی موبلائزیشن پروگرام

ضلع پونچھ کی تحصیل منڈی کے تعلیمی زون ساتھرہ کے ہائی اسکول ساتھرہ میں محکمہ تعلیم کی جانب سے سماگرا شکشا کے تحت کمیونٹی موبلائزیشن کی مناسبت سے ایک پروگرام کا انعقاد کیا گیا۔

منڈی:مرکز کے زیر انتظام یوٹی جموں و کشمیر کے ضلع پونچھ کی تحصیل منڈی میں منعقدہ سماگرا شکشا کے تحت کمیونٹی موبلائزیشن کی مناسبت سے ایک پروگرام میں چیف ایجوکیشن آفیسر پونچھ بشمبر داس بطور خاص شریک ہوئے۔

ان کے ہمراہ "ڈی ای پی او" پونچھ نریندر سوری, زونل ایجوکیشن آفیسر ساتھرہ چمیل سنگھ, "ڈی آر جی ممبر" درشن بھارتی شامل ہوئے۔ جبکہ اس موقع پر تعلیمی زون ساتھرہ کے متعدد اسکولوں کے انچارج اساتذہ, اسکولوں کی دیکھ بھال کے لیے بنائی گئی "ایس ایم سی" کمیٹی کے ممبران, پنچائیت نمائندگان, علاقہ کے معززین, و طلباء نے بھی بڑی تعداد میں پروگرام میں شمولیت کی۔ یاد رہے منعقدہ تقریب کا اہم مقصد تعلیم کے شعبے کو بہتر, ہموار اور مضبوط بنانا ہے۔

تقریب کے دوران ہائی اسکول ساتھرہ کے بچوں نے مختلف ثقافتی پروگرام کیے۔ اس موقع پر مقررین نے اپنے اپنے خطاب میں کمیونٹی موبلائزیشن پروگرام کی اہم اور افادیت پر روشنی ڈالتے ہوئے عوام کو آگاہ کیا کہ والدین اور کمیونیٹی کی اہمیت اور افادیت کیا ہے اور ان کی کیا زمہ داریاں ہیں اس کے علاوہ تعلیمی میدان میں کمیونیٹی کے کردار کو بھی اُجاگر کیا گیا۔

انہوں نے کہا کہ استاد اور والدین کی زمہ داری اور احساس سے ہی بچوں کی تعلیم کی بہتر ضمانت دی جاسکتی ہے۔ جس کے لیے سماج میں ہر ایک کی زمہ داری بنتی ہے کہ وہ بچوں پر کڑی نظر رکھیں اور انہیں تعلیم کی جانب راغب کرنے میں اپنا کلیدی کردار ادا کریں۔