منڈی: طبی مرکز بند، حکام خاموش تماشائی

اس سلسلے میں انتطامیہ کو کئی بار مطلع کیا گیا تاہم تمام کوششیں بے سود ثابت ہوئی۔ ممبر پنچایت بائیلہ نیاز احمد گنائی نے کہا کہ اس سب سنٹر کا مقامی لوگوں کو کوئی فائدہ نہیں ہے کیونکہ یہ عموماً بند ہی رہتا ہے۔

مرکز کے زیر انتظام جموں کشمیر کے ضلع پونچھ تحصیل منڈی کی پنچایت بائیلہ میں قائم سب سنٹر عوام کے لئے پریشانی کا باعث بنا ہوا ہے- متعلقہ طبی مرکز، منڈی سے قریب تین کلو میٹر کی دوری پر واقع ہے-

مقامی لوگوں کا کہنا ہے کہ محکمہ صحت طبی اداروں کو بہتر بنانے کا دعویٰ کرتا ہے لیکن زمینی سطح پر حالات بد سے بدتر ہورہے ہیں۔

مقامی لوگوں کے مطابق اس سلسلے میں انتطامیہ کو کئی بار مطلع کیا گیا تاہم تمام کوششیں بے سود ثابت ہوئی۔ ممبر پنچایت بائیلہ نیاز احمد گنائی نے کہا کہ سب سنٹر کا مقامی لوگوں کو کوئی فائدہ نہیں ہے کیونکہ یہ عموماً بند ہی رہتا ہے۔

حکام کی بے حسی سے پریشان لوگوں نے چیف میڈکل آفیسر پونچھ سے اپیل کی ہے کہ وہ ازخود سب سنٹر کا دورہ کرکے لوگوں کی مشکلات کا ازالہ کریں۔