چنار کا درخت مکان پر گر پڑا

ریاست جموں و کشمیر کےضلع پلوامہ کے ترال علاقے میں تیز ہوائیں چلنے کے باعث گذشتہ شب چنار کا ایک درخت ایک رہائشی مکان پر گرپڑا۔

یہ واقعہ پلوامہ کے ڈاڈسرہ گاوں میں پیش آیا جس میں رہائشی مکان کو نقصان پہنچا ہے۔

مکان میں رہائش پزیر سات افراد خانہ معجزاتی طور پر بچ گئے، جنہیں مقامی لوگوں نے باہر نکالا۔

واقعہ کے بعد محکمہ مال کے افسران جائے وقوع پر پہنچے اور نقصان کا جائزہ لیا۔

واضح رہے کہ گذشتہ شب ترال سمیت جنوبی کشمیر کے بیشتر علاقوں میں تیز ہوائیں چلنے کے باعث متعدد درخت گر آئے۔