Dr Harbaksh Singh ڈی ڈی سی ممبر ڈاکٹر ہربخش سنگھ نے ضلع کے ہسپتال کا دورہ کیا

ڈی ڈی سی ممبر ڈاکٹر ہربخش سنگھ نے ضلع پلوامہ کے ہسپتال کا دورہ کیا۔ دورے کے دوران انہوں نے ہسپتال میں کام کاج کا جائزہ لیا اور وہاں آن ڈیوٹی ملازمین سے بھی بات چیت کی۔ ڈاکٹر ہربخش سنگھ نے ہسپتال میں زیر علاج مریضوں سے سہولیات کو لے کر بات چیت کی۔

پلوامہ:ڈی ڈی سی ممبر ڈاکٹر ہربخش سنگھ جو کہ ہیلتھ کمیٹی پلوامہ کے چیئرمین ہیں نے آج پلوامہ ضلع ہسپتال پلوامہ کا دورہ کیا۔چیئرمین نے ضلع پلوامہ ہسپتال کی طبی و انفراسٹرکچر کا جائزہ لیا۔جبکہ اس موقع پر انہوں نے ایک جائزہ میٹنگ کی صدارت بھی کی۔ اس میٹنگ میں سی ایم او پلوامہ ڈاکٹر حسینہ، میڈیکل سپرنٹنڈنٹ پلوامہ ڈاکٹر عبدالغنی ڈار نے شرکت کی۔ میٹنگ کے دوران انہوں ضلع کے طبی صورتحال کے متعلق جانکاری حاصل کی۔

اس موقع پر انہوں نے ہسپتال انتظامیہ اور مقامی باشندوں کو یقین دہانی کرائی کہ وہ طبی نظام کو بہتر بنانے ہر ممکن کوشش کریں گے۔ انہوں نے ڈسٹرکٹ اسپتال پلوامہ میں طبعی نگہداشت کی سہولیات کا بھی جاٸزہ لیا ہےجبکہ ہسپتال میں زیرِ علاج مریضوں سے بھی انہوں نے طبی سہولیات کے بارے میں جانکاری حاصل کی۔

ڈی ڈی سی ممبر ڈاکٹر ہربخش سنگھ نے میڈیا سے بات چیت کرتے ہوئے کہا کہ ضلع ہسپتال میں مریضوں کی کافی زیادہ بھیڑ رہتی ہے لیکن یہاں موجود ڈاکٹرز تندہی سے کام کرتے ہے جس کی وجہ سے مریضوں کو کسی طرح کی دشواریوں کا سامنا نہیں کرنا پڑتا ہے۔انہوں نے ہسپتال کو تمام ترسہولیات فراہم کرنے کی بات کہی۔

انہوں نے کہا کہ ہسپتال میں انفراسٹریکچر کے لحاظ سےکچھ خامیاں بھی ہیں تاہم وہ ان خامیوں کو دور کرنے کے لئے انتظامیہ سے بات کریں گے۔اس موقع پر میڈیکل سپرنٹنڈنٹ عبدل غنی نے کہا کہ ڈی ڈی سی ممبر نے ہسپتال کا تفصیلی دورہ کیا اور وہ مطمعن نظر آئے۔