چند روز کی خاموشی کے بعد پاکستانی افواج نے ایک بار پھر جنگ بندی معاہدے کی خلاف ورزی کرتے ہوئے سرحدی ضلع پونچھ کے منکوٹ سیکٹر میں بھارتی چوکیوں اور رہائشی علاقوں پر گولہ باری شروع کر دی جس کا بھارتی افواج بھی مناسب جواب دے رہی ہے۔
تاہم فائرنگ اور گولہ باری کے نتیجے میں کسی بھی جانی یا مالی نقصان کی کوئی اطلاع نہیں ہے۔
فوجی ترجمان نے بتایا کہ پاکستانی افواج نے دن کے 3 بجے بھارتی چوکیوں کو نشانہ بنانے کی غرض سے بلا جواز گولہ باری کی جس دوران پا کستانی افواج نے چھوٹے اور درمیانہ درجہ کے ہتھیاروں سمیت مارٹر شیلنگ بھی شروع کر دی۔
فوجی ذرائع کے مطابق بھارتی افواج بھی پاکستانی فائرنگ کا معقول جواب دے رہی ہے۔ آخری اطلاع ملنے تک فائرنگ کا سلسلہ جاری تھا۔
