پونچھ میں جنگ بندی کی خلاف ورزی

جموں و کشمیر کے ضلع پونچھ میں دیر رات ایل او سی کے قریب پاکستان نے جنگ بندی کی خلاف ورزی کرتے ہوئے فائرنگ کی ۔

مرکز کے زیر انتظام علاقے جموں و کشمیر کے ضلع پونچھ کے گلپار سیکٹر میں جنگ بندی کی خلاف ورزی کی گئی، اس دوران بھارت - پاکستان فوج کے درمیان زبردست گولہ باری ہوئی۔

ذرائع کے مطابق پاکستان کی طرف سے گزشتہ رات 11بجے بھاری گولہ باری کی گئی، جس کا بھارتی فوج نے موثر جواب دیا۔

جنگ بندی کی خلاف ورزی اور گولہ باری کے دوران ابھی تک کسی بھی جانی و مالی نقصان کی خبر موصول نہیں ہوئی ہے۔

مزید تفصیلات کا انتظار ہے