سی بی آئی نے ہلال راتھر کے خلاف کیس درج کیا

ہلال احمد راتھر، نیشنل کانفرنس کے سینیئر رہنما اور سابق وزیر خزانہ عبدالرحیم راتھر کے صاحبزادے ہیں۔

مرکزی تحقیقاتی ایجنسی (سی بی آئی) نے ہلال احمد راتھر کے خلاف کیس درج کیا ہے۔

سی بی آئی نے ہلال احمد راتھر کے خلاف بینک میں بدعنوانی کے معاملے میں کیس درج کیا ہے۔

خیال رہے کہ ہلال احمد راتھر نیشنل کانفرنس کے سینیئر رہنما اور سابق وزیر خزانہ عبدالرحیم راتھر کے صاحبزادے ہیں۔ مرکزی تحقیقاتی ایجنسی نے ان کو بینک بدعنوانی کیس میں ملوث قرار دیا ہے اور ان کے خلاف کیس درج کر کے مزید تحقیقات شروع کر دی ہے۔

واضح رہے پیراڈائز ایوینیو ٹاؤن شپ پروجیکٹ کے بینک فراڈ کیس میں ہلال راتھر کو 16 جنوری کو تحویل میں لیا گیا تھا۔ ہلال راتھر کو انسداد بدعنوانی بیورو (اے سی بی) جموں نے جموں وکشمیر بینک کی جانب سے اپنے سنہ 2012 میں نروال بالا جموں میں پیراڈائز ایونیو کے نام سے مشہور منصوبے کے لئے جموں و کشمیر بینک کی طرف سے منظور شدہ مدتی قرضوں سے کروڑوں روپے کے مبینہ طور پر غلط استعمال سے متعلق ایک معاملے میں گرفتار کیا گیا تھا۔