محکمہ اریگیشن کے ساتھ بطور کیجوئل لیبر کام کر رہے درجنوں عارضی ملازمین نے ضلع بانڈی پورہ کے شادی پورہ سمبل علاقے میں اپنے مطالبات کے حق میں زور دار احتجاج کیا۔
سب ڈویژن سمبل میں عارضی ملازمین نے احتجاجی مارچ کرتے ہوئے واجب الادا تنخواہوں کا مطالبہ کیا جبکہ مظاہرین منیمم ویجز ایکٹ(کم سے کم مشاہرہ)ایکٹ کے اطلاق کا بھی مطالبہ کررہے تھے۔
دوران احتجاج کیجوئل لیبرز نے کہا کہ ہم محکمہ کے ساتھ گزشتہ پانچ برسوں سے کام کر رہے ہیں۔ تاہم ابھی تک انہیں مستقل نہیں کیا گیا۔
احتجاجی ملازمین اپنی نوکری کو بھی مستقل کرنے کا مطالبہ کر رہے تھے جبکہ تنخواہوں کی واگزاری کا بھی مطالبہ کرتے ہوئے انہوں نے ایل جی مرمو سے بھی اپیل کی ہے کہ وہ عارضی ملازمین کو انصاف دلانے کے لئے اقدامات اُٹھائیں۔