جموں و کشمیر اور لداخ کے لیے 520 کروڑ روپئے کا خصوصی پیکیج

مرکزی حکومت نے مرکز کے زیر انتظام علاقہ جموں و کشمیر اور لداخ کے دیہی علاقوں میں روزگار کے مواقع دستیاب کرنے کے لیے 520 کروڑ روپے کا خصوصی پیکیج دینے کا فیصلہ کیا ہے۔

وزیر اعظم نریندر مودی کی صدارت میں منعقد مرکزی کابینہ کی میٹنگ میں اس تجویز کو منظوری دی گئی۔ میٹنگ کے بعد یہ اطلاعات و نشریات کے وزیر پرکاش جاوڈیکر نے پریس کا نفرنس میں یہ اطلاع دیتے ہوئے بتایا کہ خصوصی پیکیج دین دیال انتودیا اسکیم - نیشنل رورل لیولی ہڈ مشن کے تحت دیا جائے گا۔

انہوں نے کہا کہ اس پیکیج سے 10 لاکھ 58 ہزار کنبے مستفید ہوں گے۔ پیکیج کی مدت پانچ سال ہوگی۔