ترال میں نقب زنی، متعدد بھیڑوں کی چوری

جنوبی کشمیر کے ترال علاقے میں نقب زنی کے متعدد واقعات سامنے آ چکے ہیں۔

جنوبی کشمیر کے ترال علاقے میں مویشی چوروں کی سرگرمیاں زوروں پر ہیں۔

جموں و کشمیر کے ترال علاقے میں نقب زنی کے واقعات میں آئے دن اضافہ ہی ہوتا جا رہا ہے جس کی وجہ سے عوامی حلقوں میں تشویش کا اظہار کیا جا رہا ہے۔

اطلاعات کے مطابق درمیانی شب ان مویشی چوروں نے غلام محی الدین گنائی نامی شہری کے گئو شالہ سے تیس بھیڑ چرا لیے ہیں جس کی مالیت لاکھوں روپے بتائی جا رہی ہے۔ اس چوری کی وجہ سے یہ غریب کنبہ ہاتھ انتہائی پریشان ہے۔

مقامی لوگوں نے مطالبہ کیا کہ اس چوری میں ملوث افراد کو گرفتار کر کے ان کے خلاف ضابطے کے تحت سخت کارروائی کی جائے۔

واضح رہے کہ اس سے قبل لاری یار ترال میں بھی گزشتہ ماہ ایک شہری کے گئوشالہ سے 40 بھیڑ چرا لیے گیے تھے۔