ادھمپور: بی ایس پی نے ہاتھرس معاملے پر یوگی حکومت پر کی تنقید

ادھمپور میں بہوجن سماج پارٹی کی یونٹ نے ایک پریس کانفرنس کرتے ہوئے کہا ہے کہ ہاتھرس جنسی زیادتی معاملے میں یوگی حکومت نے بروقت کوئی ٹھوس کارروائی نہیں کی۔

اترپردیش کے ضلع ہاتھرس میں چند دنوں قبل ایک پسماندہ طبقہ کی لڑکی کے ساتھ اجمتماعی زیادتی کی گئی تھی اور متاثرہ کو جسمانی طور پر شدید زخمی کیا گیا لیکن گزشتہ روز متاثرہ زخموں کی تاب نہ لاکر چل بسی۔

اس تعلق سے جموں و کشمیر کے ضلع ادھمپور میں بہوجن سماج پارٹی (بی ایس پی) کی جانب سے ایک پریس کانفرنس کی گئی اور یوگی حکومت پر جم کر تنقید کی گئی۔

بی ایس پی کے مقامی صدر سردار رنجیت سنگھ نے کہا کہ اترپردیش حکومت کی جانب سے ملزموں کے خلاف کوئی ٹھوس کارروائی نہیں کی گئی۔

اس معاملے میں انھوں حکومت سے مطالبہ کیا ہے کہ جس طرح سے اترپردیش حکومت انکاؤنٹر کرنے میں ماہر ہے اسی بنیاد پر ملزمین کے خلاف کارروائی کی جانی چاہیے۔