جموں و کشمیر کے ضلع کٹھوعہ میں بارڈر سکیورٹی فورس (بی ایس ایف) کا جوان گولی لگنے سے زخمی ہوا ہے۔
اطلاعات کے مطابق ہفتے کے روز ایک بارڈر سکیورٹی فورس (بی ایس ایف) کے جوان کو جموں و کشمیر کے سامبا کے ایک سرکاری اسپتال میں داخل کیا گیا۔ وہ گولی لگنے سے زخمی ہوا تھا اور بعد میں اسے فوجی اسپتال منتقل کردیا گیا۔
یہ بھی پڑھیں
بی ایس ایف ذرائع کے مطابق زخمی جوان کٹھوعہ ضلع کی ایک سرحدی چوکی پر تعینات تھا جب اسے گولی لگ گئی تھی۔
ذرائع کے مطابق زخمی جوان زیرعلاج ہیں اور وہ ابھی خطرے سے باہر ہیں۔
واضح رہے کہ گزشتہ روز جموں و کشمیر کے دارالحکومت سرینگر کے مضافاتی علاقہ رنبیر گڑھ میں ہونے والے تصادم میں شدت پسند تنظیم لشکر طیبہ کے دو عسکریت پسند ہلاک ایک فوجی جوان زخمی ہوا تھا۔
