Blood Donation Camp In Pulwama آیوشمان بھاو کے تحت پلوامہ میں خون کا عطیہ کیمپ

ضلع پلوامہ میں محمکہ صحت نے غیر سرکاری تنظیمیں راہی انسانیت فاؤنڈیشن کے اشتراک سے ایک خون کا عطیہ کیمپ کا انقعاد کیا جس میں لوگوں نے بڑھ چڑھ کر حصہ لیا۔ اس موقع پر 23 یونٹ خون جمع کئے گئے ۔

پلوامہ:مرکز کے زیر انتظام یوٹی جموں و کشمیر کے ضلع پلوامہ میں محمکہ صحت نے غیر سرکاری تنظیمیں راہی انسانیت فاؤنڈیشن کے اشتراک سے ایک خون کا عطیہ کیمپ کا انقعاد کیا جس میں لوگوں نے بڑھ چڑھ کر حصہ لیا۔ خون عطیہ کیمپ میں ایوشمان بھاو کے تحت خون کا عطیہ کیمپ۔ کیمپ میں 23 نوجوانوں نے خون کا عطیہ کیا۔کیمپ کا افتتاح بی جے پی ضلع سیکرٹری ماہی عرفان نے چیف میڈیکل آفیسر پلوامہ ڈاکٹر حسینہ میر اور میڈیکل سپرنٹنڈنٹ عبدالغنی ڈار کے علاؤہ راہی انسانیت فاؤنڈیشن کے سربراہان کی موجودگی میں کیا۔ جبکہ اس موقع پر بی جے پی ممبر محمد شفیع بھی موجود تھے۔

اس موقع پر بی جے پی ضلع سیکرٹری ماہی عرفان نے بات کرتے ہوئے کہا کہ خون کی ایک بوند کافی قیمتی ہوتی ہے اور جس طرح سے راہی انسانیت فاؤنڈیشن نے یہ قدم اٹھایا ہے یہ قابلِ ستائش ہیں۔ انہوں نے کہا کہ خون کا عطیہ کرنے کے لئے سب کو سامنے آنا چاہیے تاکہ یہ ضرورت مندوں کے کام آسکے۔

اس موقع پر ضلع ہسپتال پلوامہ کے میڈیکل سپرنٹنڈنٹ عبدالغنی ڈار نے بات کرتے ہوئے کہا کہ ایوشمان بہاو مہم جاری ہے جس کے تحت ہمیں اعلی افسران کی ہدایت ملی تھی کہ ہم خون کا عطیہ کیمپ کا انعقاد کریں جس کے تحت ہم نے راہی انسانیت فاؤنڈیشن کے اشتراک سے اس کیمپ کا انعقاد کیا ہے جبکہ ضلع میں اور بھی کئی سارے اس طرح کے کیمپوں کا انعقاد کیا جائے گا۔