Block Diwas Held At Nagam ناگام کے پنچایت بزگو میں بلاک دیوس کا انعقاد

ضلع بڈگام کے ناگام میں ضلع انتظامیہ کی جانب سے بلاک دیوس کا انعقاد کیا گیا۔اس موقع پر ضلع انتظامیہ بڈگام نے ضلع کی سیاحتی صلاحیت کو بروئے کار لانے کا عہد کیا ہے۔مقامی باشندوں نے بھی بڑھ چڑھ کر حصہ لیا۔

بڈگام: وسطی کشمیر کے ضلع بڈگام کی ضلع انتظامیہ نے آج بلاک ناگام کے پنچایت حلقہ بزگو میں ہفتہ وار بلاک دیوس پروگرام کا انعقاد کیا۔پروگرام کی صدارت ایڈیشنل ڈسٹرکٹ ڈیولپمنٹ کمشنر (ADDC)، بڈگام، ڈاکٹر اکرم اللہ ٹاک نے پنچایت گھر میں کی۔

بلاک دیوس کی تقریب میں گاؤں گجرپتھری، برینجن، لولی پورہ، نیل ناگ اور دیگر ملحقہ دیہاتوں کے مقامی پی آر آئیز، معزز بزرگوں اور مقامی نوجوانوں کے وفود نے اپنے مطالبات اٹھائے۔اے ڈی ڈی سی نے تمام لوگوں کی باتیں سنی اور ان کے مسائل کے حل کی یقین دہانی کرائی۔

اے ڈی ڈی سی نے کہاکہ آپ یقین رکھے ۔آپ کے تمام جائز مطالبات کو جلد سے جلد پورے کرنے کی کوشش کی جائے گی۔اس کے لئے متعلقہ اداروں اور افسران سے بات چیت کی جائے گی۔بلاک دیوس کے انعقاد کا مقصد ہی لوگوں کے مسائل حل کرنا ہوتا ہے۔

اے ڈی ڈی سی نے مزید کہا کہ نیل ناگ کے علاقے میں سیاحت کی بہت زیادہ صلاحیت ہے۔سیاحت کو فروغ دینے کی گنجائش ہے۔ضلع کی سیاحت کی پوری صلاحیت کو بروئے کار لانے پر توجہ دی جارہی ہے۔اس کے لئے مقامی باشندوں کے تعاون کی ضرورت ہے۔

انہوں نے مقامی لوگوں پر زور دیا کہ وہ پلان کی تشکیل میں اپنی شرکت اور تعاون کو یقینی بنائیں کیونکہ یہ بڈگام کے تمام دیہی علاقوں کی ترقی کے لئے ناگزیر ہے۔

اے ڈی ڈی سی نے متعلقہ افسران پر زور دیا کہ وہ عوامی خدمات اور ان کے مسائل کے حل کے کاموں میں تیزی لائیں۔عام لوگوں کو بہتر سہولیات کی فراہمی کے لیے مختلف شعبوں کے تحت بہتری کے کام کریں۔