پلوامہ:مرکز کے زیر انتظام یوٹی جموں و کشمیر کے ضلع پلوامہ میں بی جے پی کے کارکنان کی آج ایک میٹنگ منعقد ہوئی۔ اس میٹنگ مین بی جے پی کے ضلع سطح کے لیڈروں نے شرکت کی۔ اس موقع پر پارٹی کے لیڈروں نے خطاب کیا اور بی جے پی سرکار کی جانب سے نوسال میں کئے گئے ترقیاتی کاموں کا ذکر کیا گیا۔ اس موقع پر کارکنان پر زور دیا گیا کہ وہ گھر گھر مہم شروع کریں اور بی جے پی کی جانب سے نو سال کے اندر کئے جانے والے کاموں کی تفصیلات کو عام لوگوں تک پہنچایا۔
اس موقع پر بی جے پی ضلع صدر محمد لطیف نے بات کرتے ہوئے کہا کہ بی جے پی نے ملک کے وزیر اعظم نریندر مودی کی حکومت میں کامیابیوں کی بلندیوں کو چھوا ہے جبکہ وادی کشمیر خاص کر ضلع پلوامہ کو ترقی کی راہ پر گامزن کیا ہے۔عوام کے لئے کئی ترقیاتی منصوبوں کو کامیابی کے ساتھ منظرعام پر لایا گیا۔ انہوں نے کہاکہ ان ترقیاتی منصوبوں کو عام لوگوں تک پہنچانے کے لئے اس میٹنگ کا انعقاد کیا تھا کہ ہم گھر گھر مہم شروع کریں گے جس کے تحت ہم عام لوگوں کو ان ترقیاتی منصوبوں کے بارے میں آگاہ کریں گے۔