'وادی کے حالات کی ذمہ دار ریاستی پارٹیاں ہیں'

'اپنے سیاسی مفادات کے لئے ریاستی پارٹیاں وادی کشمیر میں حالات خراب کر رہی ہیں۔ مفاد پرست سیاسی جماعتیں یہاں کے حالات کو ٹھیک نہیں ہونے دیتے ہیں۔'

ان باتوں کا اظہار بی جے پی کے قومی جنرل سکریٹری رام مادھو نے ضلع اننت ناگ کے کھنہ بل کے ڈاک بنگلو میں پارٹی کنونشن کے دوران کارکنان سے خطاب کے دوران کیا۔

رام مادھو نے کہا کہ ' بی جے پی نے ہمیشہ کشمیر کے حالات ٹھیک کرنے کی کوشش کی تاہم ریاستی پارٹیوں نے ان کوششوں کو ناکام بنایا ہیں۔'

مادھو نے کہا کہ' سنہ 1987 میں نیشنل کانفرنس کے صدر فاروق عبداللہ نے کانگریس کے ساتھ مل کر انتخابات کو مذاق بنا کر ریاست کے امن و استحکام کو ختم کرنے کا کام کیا تھا۔'

انہوں نے کہا کہ 2015 میں وزیر اعظم نریندر مودی نے مرحوم مفتی محمد سید کے ساتھ ہاتھ ملایا تھا تاکہ ریاست کی امن و ترقی اور خوشحالی کے لیے کام کیا جائے تاہم پی ڈی پی کی وجہ سے وہ کوشش بھی ناکام ہو گئی ۔

انہوں نے کہا کہ بی جے پی کو ذمہ دار ٹھرانے والے خود وادی کشمیر کے حالات کا ذمہ دار ہیں ۔

کنونشن میں بی جے پی کے کئی سینئر رہنماوں سمیت پارٹی کارکنان کی کثیر تعداد موجود رہی۔