'بھیم آرمی اپنا خون بہائی گی'

شہریت ترمیمی قانون کے خلاف ریاست اتر پردیش کے شہر کانپور کے محمدعلی پارک میں خواتین کا مظاہرہ چل رہا ہے جس میں دیر رات بھیم آرمی کے لیڈر کوشل راج بالمیک اپنے حامیوں کے ساتھ حمایت کرنے پہنچ گئے ۔

کوشل راج بالمیک نے خواتین کو خطاب کرتے ہوئے کہا کہ شہریت ترمیمی قانون، این آر سی اور این پی آر کے خلاف آپ کا یہ احتجاج پورے ملک میں دیکھا جا رہا ہے'۔

انہوں نےمزید کہا کہ ہم آپ کے اس احتجاج کی ہر طرح سے حمایت کرتے ہیں اور اپنی بہنوں کی تعریف کرتے ہیں جنہوں نے اس احتجاج کو اپنی رات دن کی قربانیوں سے اس مقام تک پہنچایا، ہم اپنی بہنوں سے وعدہ کرتے ہیں اگر مسلمان بھائی اس قانون کے خلاف اپنا پسینہ بہاتے ہیں تو بھیم آرمی اپنا خون بہائی گی۔

کوشل راج بالمیک نے کہا کہ 'بھیم آرمی اس قانون کو کسی بھی طرح سے تسلیم نہیں کرے گی'۔

مرکزی وزیر امت شاہ پر طنز کرتے ہوئے بھیم آرمی کے لیڈر کوشل راج بالمیک نے کہا کہ' وہ کہتے ہیں کہ ہم ایک انچ بھی پیچھے نہیں ہٹیں گے تو وہ بھی سن لیں کہ ہم اور آگے بڑھیں گے'۔