کشمیر: کورونا نے ایک اور جان لے لی

جموں و کشمیر میں اب تک کورونا وائرس سے 98 اموات ہو چکی ہے جن میں وادی سے 56 اور جموں سے 12 افرد اس وبا سے فوت ہوچکے ہے-

شمالی کشمیر کے ضلع بارہمولہ قصبہ سے تعلق رکھنے والے ایک شخص کی جے وی سی بمنہ میں کورونا سے موت ہوئی ہے اور اس طرح سے مرنے والوں کی تعداد ضلع میں بڑھ کر 16 ہو گئی ہے۔

اطلاعات کے مطابق 50سالہ تاجر کا منگل کے روز کورونا وائرس کی وجہ سے انتقال ہوگیا ۔اس طرح جموں کشمیر میں کورونا سے ہونے والی اموات کی تعداد98ہوگئی۔ ابھی تک جموں و کشمیر میں یہ دوسری موت ہے۔

محکمہ صحت کے ذرائع نے بتایا کہ جے وی سی اسپتال سرینگر میں دیوان باغ بارہمولہ کا شہری کورونا سے فوت ہوگیا۔ انہوں نے بتایا کہ مریض وینٹی لیٹر پر تھا اور سینے کی تکلیف میں مبتلا تھا۔

گورنمنٹ میڈیکل کالج بارہمولہ کے میڈیکل سپرنٹنڈنٹ ڈاکٹر سید مسعود نے بھی اس واقع کی تصدیق کی۔

واضح رہے کہ آج صبح ضلع کٹھوعہ کے بسولی علاقے سے تعلق رکھنے والی ایک بزرگ خاتون کی کورونا سے موت ہوئی ہے۔

جموں و کشمیر میں کورونا وائرس سے مرنے والوں کی تعداد 98 پہنچ گئی ہے۔ضلع سرینگر میں سب سے زیادہ 22 اموات ہوئی ہیں، شوپیان میں 11، جموں، اننت ناگ اور بڈگام میں بالترتیب سات سات، کپواڑہ میں 5، پلوامہ میں چار اموات ہوئی ہیں۔