بانہال بنکوٹ کا قبرستان تباہ

جموں و کشمیر کے ضلع رامبن کے تحصیل بانہال بنکوٹ کا صدیوں پرانا قبرستان ریلوے ٹنل کی زد میں آکر تباہ ہوگیا۔

تفصیلات کے مطابق بنکوٹ بانہال کا صدیوں پرانا قبرستان اور حال کی قبریں ریلوے ٹنل کی زد میں آکر تباہ ہوگئیں ہیں۔

اس سلسلے میں لوگوں نے نمائندے کو بتایا کہ بی سی سی نامی کمپنی ریلوے ٹنل کو تعمیر کرنے کے دوران قبرستان کو نقصان پہنچا رہی ہے۔
عوام کا کہنا ہے کہ انہوں نے کمپنی کے اہلکاروں کو بتایا تھا کہ قبرستان کو بچانے کی کوشش کریں کیونکہ یہ قبرستان بنکوٹ علاقے کا واحد قبرستان ہے۔

بنکوٹ کی عوام انتظامیہ اور کمپنی کے اہلکاروں سے پر زور اپیل کرتے ہیں کہ قبرستان کی بقاء کو بچانے کی ہر ممکن کوشش کی جائے تاکہ لوگوں کو مستقبلِ میں کوئی پریشانی کا سامنا نہ کرنا پڑے۔