Award Ceremony Held At Pulwama پلوامہ میں تقریب تقسیم ایوارڈ کا انعقاد

ندائے کشمیر اخبار اور احسان فاؤنڈیشن کی جانب سے ضلع پلوامہ میں تقریب تقسیم ایوارڈ کا انعقاد کیا گیا جس میں ای ٹی وی بھارت نمائندے سید عادل مشتاق کو ضلع میں بہترین رپورٹنگ کرنے پر خصوصی ایوارڈ سے نوازا گیا-

پلوامہ:مرکز کے زیر انتظام یوٹی جموں و کشمیر کے ضلع پلوامہ میں آج ندائے کشمیر اخبار اور احسان فاؤنڈیشن کی جانب سے تقریب تقسیم ایوارڈ کا انعقاد کیا گیا جہاںادیبوں قلم کاروں کے ساتھ ساتھ صحافیوں اور دیگر شعبوں سے وابستہ افراد کی عزت افزائی کی گئی۔ اس موقع پر چیف ایجوکیشن افسر پلوامہ کے علاؤہ ادیبوں اور شعبہ صحافت سے وابستہ کئی افراد نے بطور مہمانی خصوصی شرکت کی۔

اس موقع پر ادیبوں اور قلم کاروں کے حوالے سے بات کی گئی اور اس کے کردار کو سراہا گیا جبکہ صحافت سے وابستہ کے کردار کو بھی سراہا گیا جو عوام اور سرکار کے درمیان دوریوں کو کم کرنے کے ساتھ ساتھ عوام کے دوپیش مسائل کو اجاگر کرنے اور انہیں حل کرنے کے لیے اپنے خدمات انجام دے رہے ہیں۔

تقریب تقسیم ایوارڈ میں شرکت کرنے آئے لوگوں نے کہا کہ ہماری ثقافت کو انے والی نسلوں تک بہی حفاظت پہنچانے کے لیے ادیب ایک اہم کردار ادا کر رہے ہیں۔جن کی عزت افزائی کرنا وقت کی اہم ضرورت ہے۔ ندائے کشمیر کے سربراہ معراج دین نے بات کرتے ہوئے کہا کہ صحافیوں کی عزت افزائی کرنا وقت کی اہم ضرورت ہے اس سے ان کے حوصلے بلند ہوتے ہیں جبکہ باقیوں کے لیے یہ مشعل راہ بن جاتے ہیں۔