'ترال اور اونتی پورہ میونسپل کمیٹیوں کا رول قابل ستائش'

بی جے پی کے ریاستی ترجمان الطاف ٹھاکر نے میونسپل کمیٹی ترال اور اونتی پورہ کو کرونا وائرس سے پیدا شدہ صورتحال کا مقابلہ کرنے نیز عوامی بیداری پھیلانے کی کوشیوں کو سراہتے ہوئے کہا ہے کہ ایسے اقدامات سے قیمتی انسانی جانوں کو بچایا جا سکتا ہے۔

اپنے ایک پریس بیان انہوں نے کہا ہے بلدیہ کے ان اداروں نے کورونا وائرس کے پھیلاؤ کو روکنے کے رات دن سینیٹائزیشن اور صفائی ستھرائی کا کام نہ صرف عوامی مقامات بلکہ فوجی اور پولیس تھانوں کے نزدیک کر کے اپنی کارکردگی کا بہترین مظاہرہ کیا ہے۔

الطاف ٹھاکر کے بقول ان علاقوں میں پہلے ہی ہوٹلوں، اسکولوں اور ریستورانوں کو پہلے ہی احتیاطی طور پر بند کیا ہے تاکہ سماجی رابطے کو قابو کیا جا سکے۔

ٹھاکر نے ان اداروں کی طرف سے اے ٹی ایمز اور میڈیکل دکانات کے نزدیک سوشل کنٹیکٹ کو دور رکھنے کے لیے جو اقدامات اٹھائے گئے ہیں ان موجودہ حالات میں قدر کی نگاہ سے دیکھا جانا چاہئے۔