رہمو گاؤں، 10 دن کے لیے سیل

کووڈ 19 کے 23 مثبت کیسز سامنے آنے کے بعد ضلع انتظاميہ پلوامہ نے رہموں علاقہ کو 10 دن کے لئے سیل کر دیا ہے جب کہ علاقے میں بینکوں اور دکانوں کو بند رکھنے کے لیے کہا گیا ہے۔

جنوبی کشمیر کے ضلع پلوامہ کے رہموں گاؤں کو پوری طرح سیل کردیا گیا ہےاور لوگوں سے کہا ہے کہ وہ کم سے کم دس دن تک مارکیٹ اور دیگر کاروباری ادارے بند رکھیں۔

رہموں گاؤں میں 23 سے زیادہ کورونا وائرس کیس سامنے آئے ہیں۔ مذکورہ گاؤں میں کووڈ ۔19 کے انفیکشن کی وجہ سے ایک بزرگ شخص کی موت ہوچکی ہے۔

تحصیلدار راج پورہ رقیب احمد کی سربراہی میں ایک ٹیم نے گاؤں کا دورہ کیا اور لاک ڈاؤن اصولوں کی خلاف ورزی کرنے پر 3 دکانیں اور 2 band saw mills کو سیل کردیا۔

ضلعی انتظامیہ نے گاؤں میں بینک اور خدمت مراکز بھی بند کردیئے۔ تحصیلدار رقیب احمد نے کہا کہ خلاف ورزی کرنے والوں کے خلاف سخت کارروائی کی جائے گی۔

ضلع انتظاميہ نے کہا کہ گاؤں میں پہلے ہی 23 کوویڈ 19 کے مثبت کیسز سامنے آئے ہیں اور اگر ہم احتیاطی تدابیر اختیار نہیں کرے تو وبائی بیماری پھیل جائے گی۔

اس لیے ہم نے 10 دن کے لئے رہموں گاؤں کو بند کردیا ہے اور لوگوں کو گھر کے اندر ہی رہنے کی ہدایت کی ہے۔