میڈیا اہلکاروں پر حملہ ناقابل برداشت: ایس پی ہندوارہ

جموں و کشمیر کے ہندواڑہ قصبے کے سپرنٹنڈنٹ آف پولیس ڈاکٹر جی وی سندیپ چکروتی نے پیرکو کہا کہ میڈیا اہلکاروں پر حملہ جیسے واقعات کو برداشت نہیں کیا جائے گا۔

انہوں نے کہا کہ میڈیا اہلکاروں کو ہراساں کرنے میں ملوث افراد کے خلاف سخت قانونی کاروائی کی جائے گی۔

ایک مقامی نیوز ایجنسی کے مطابق ہندوارہ میڈیا ایسوسی ایشن کے ایک وفد نے ایس پی ہندوارہ سے ملاقات کی اور اس معاملے پر پولیس افسر سے تبادلہ خیال کیا اور ان سے اپیل کی کہ ہر ناکہ پارٹی کو آگاہ کیا جائے کہ اس طرح کے واقعات کو دہرایا نہیں جانا چاہئے۔

اس ملاقات کے دوران ایس ڈی پی او ہندوارہ طارق محمود بھی موجود تھے۔

واضح رہے کہ کے مقامی نیوز ایجنسی کے این ایس کے آن لائن ایڈیٹر عاطف قیوم کو26 مارچ کو ایک ناکے پر کچھ پولیس اہلکاروں نے بدسلوکی کی اور ان کی مارپیٹ کی۔

معلوم ہوا ہے کہ اس دوران مذکورہ صحافی ہندوارہ سے اپنی گھر کی طرف جارہا تھا ۔