دفعہ 370 ہماری شان تھی: چودھری رشید

چودھری رشید ایک ایسے آزاد امیدوار ہے جو بغیر سکیورٹی کے ترال جیسے حساس علاقے میں اپنی مہم جاری رکھے ہوئے ہیں اور لوگوں کو اپنے حق میں ووٹ ڈالنے کی اپیل کر رہے ہیں۔

جنوبی کشمیر کے سب ضلع ترال کے آری پل بلاک سے ڈی ڈی سی انتخابات کے لیے کل نو امیدواروں نے کاغذات نامزدگی جمع کرائے ہیں۔ تاہم ان میں گجر طبقے سے وابستہ چودھری رشید ان دنوں دیگر سیاستدانوں کے لیے درد سر بنے ہوئے ہیں۔

چودھری رشید بغیر سکیورٹی کے ترال جیسے حساس علاقے میں اپنی مہم جاری رکھے ہوئے ہیں اور لوگوں کو اپنے حق میں ووٹ ڈالنے کی اپیل کر رہے ہیں۔

دلچسپ بات یہ ہے کہ گجر طبقے کی ایک بڑی تعداد اس کی باتوں کو سنتی ہے اور ایسا مانا جا رہا ہے کہ وہ آری پل سیٹ پر قبضہ جما سکتا ہے۔

ای ٹی وی بھارت کے ساتھ بات کرتے ہوئے چودھری رشید نے بتایا کہ وہ آزاد امیدوار کی حیثیت سے الیکشن میں حصہ لے رہے ہیں کیونکہ سیاسی جماعتوں نے آج تک ہمیں صرف سبز باغ دکھائے اور ہماری ان بان اور شان دفعہ 370 کو ہٹانے میں مرکز کی معاونت کی۔

ان کا کہنا تھا کہ وہ جیت درج کر کے مخالفین کے دانت کھٹے کریں گے۔