بارہمولہ: فوج کی جانب سے تقریب منعقد

بارہمولہ میں آج فوج کی جانب سے ایک تقریب منعقد ہوئی۔ اس تقریب میں بارہمولہ میں قائم چنار جوان کلب میں زیر تعلیم طلبا کو انعامات سے نوازا گیا۔

تقریب کے دوران فوج کے جی او سی، جی پی سنگھ نے بچوں میں سرٹیفیکیٹز تقسیم کیے۔ جی او سی نے تقریب کے بعد میڈیا سے بات کرتے ہوئے بتایا کہ کشمیر کے بچوں میں کافی زیادہ صلاحیت ہے بس انہیں موقع ملنا چاہیے وہ اپنی صلاحیتوں کو ثابت کر کے دکھا دیں گے۔

انہوں نے مزید کہا کہ ہم کشمیری نوجوانوں کے لیے اور بھی کئی طرح کے اقدامات اٹھائیں گے جس سے یہاں کے جوان اپنا روزگار خود کما سکیں، اس کلب میں زیر تربیت طلبا میں بھی کافی زیادہ خوش نظر آئے۔

انک ا کہنا تھا کہ فوج ہمارے لیے آگے بھی ایسے کام کرتی رہے تاکہ کشمیر میں بےروزگاری ختم ہو ۔