Apple Farmers federation of india پرچھو فروٹ منڈی میں ایپل فارمرز فیڈریشن آف انڈیا کا اجلاس

جموں کو کشمیر کے ضلع پلوامہ کے پرچھو فروٹ منڈی میں ایپل فارمرز فیڈریشن آف انڈیا کی جانب سے اجلاس کا اہتمام کیا گیا جس میں سی پی آئی ایم کے رہنما اور صدر محمد یوسف تاریگامی نے شرکت کی۔ اس موقعے پر میوہ صنعت سے وابستہ افراد بڑی تعداد میں اجلاس میں موجود تھے۔

پلوامہ: مرکز کے زیر انتظام یوٹی جموں و کشمیر کے ضلع پلوامہ کی پرچھو فروٹ منڈی میں ضلع پلوامہ کے پرچھو فروٹ منڈی میں ایپل فارمرز فیڈریشن آف انڈیا کی جانب سے اجلاس کا اہتمام کیا گیا۔اس اجلاس میں ضلع پلوامہ کے ساتھ ساتھ ضلع شوپیاں کے میوہ کاروباریوں نے شرکت کی۔ اس موقع پر ایپل فارمرز فیڈریشن آف انڈیا کے عہد داران کی جانب سے مختلف پہلوؤں پر روشنی ڈالی گئی جن میں غیر معیاری ادویات ،میو بردار گاڑیوں کو روکنا شامل ہے۔

کانفرنس کے دوران زیر بحث اہم مسئلہ کھادوں، سیب کے ڈبوں اور دیگر ضروری سامان کی بڑھتی ہوئی قیمتوں کا تھا،جس نے سیب کے کاشتکاروں کے لیے نئے چیلنجز کھڑے کر دیے ہے ۔بڑھتی ہوئی لاگت اکثر کاشتکاروں کو اپنی پیداوار بہت کم قیمتوں پر فروخت کرنے پر مجبور کرتی ہے۔اس سے سیب کی کاشت سے وابستہ تقریباً 800,000 گھرانوں کی روزی روٹی متاثر ہوتی ہے۔

اس موقعے پر سی پی آئی ایم کے صدر محمد یوسف تاریگامی نے گورنر انتظامیہ سے اپیل کی کہ امسال قومی شہرہ کو بحال رکھا جائے جبکہ سیب سے لدی گاڑیوں کو ترجیحی بنیادوں پر چلنے کی اجازت دی جائے۔ انہوں نے کہا کہ ہر ایک اضلاع میں ہارٹیکلچر یونیورسٹی الگ سے قائم کی جانی چاہیے تاکہ میوہ جات کو زیادہ سے زیادہ فروغ ملے وہی انہوں نے یہ بھی اپیل کی کہ ضلع شوپیاں اور پلوامہ میں دو لیباٹریوں کو قائم کیا جانا چاہیے تاکہ ادویات کی جانچ پرتال کی جا سکے۔