الطاف بخاری کی عوام سے ووٹ دینے کی اپیل

مرکز کے زیر انتظام جموں و کشمیر کے ضلع بارہمولہ میں اپنی پارٹی کی جانب سے ایک اجلاس منعقد کیا جس میں پارٹی کے سینیئر رہنماؤں نے کارکنان سے خطاب کیا۔

بارہمولہ کے شیروانی ہال میں منعقد اس اجلاس میںاپنی پارٹی سے جڑے سینکڑوں کارکنان نے شرکت کی۔

اجلاس کے آخر پر میڈیا سے بات کرتے ہوئے پارٹی صدر الطاف بخاری نے کہا کہ عوامی اتحاد برائے گپکار اعلامیہ کے خلاف نہیں ہیں بلکہ ان کی جانب سے کہے جانے والے جھوٹ کے خلاف ہیں۔

انہوں نے گزشتہ 72 سالوں سے عوام کو دھوکے میں رکھا ہے۔

الطاف بخاری نے بتایا کہ یہاں کی پرانی اور بڑی سیاسی جماعتوں نے جھوٹے خواب دکھا کر عوام کو گمراہ کیا ہے۔

جبکہ 'اپنی پارٹی' جھوٹے خواب دکھانے کے بجائے کہنے اور کرنے میں یقین رکھتی ہے۔

انہوں نے بتایا کہ دفعہ 370 اور 35 اے کا معاملہ سپریم کورٹ میں ہے اور مجھے پورا یقین ہے کہ اس کا فیصلہ جموں و کشمیر کے حق میں ہوگا۔

انہوں نے دیگر سیاسی پارٹیوں پر الزام عائد کرتے ہوئے کہا کہ ان کی وجہ سے ہی عوام میں اپنی پارٹی، بی جے پی کی بی پارٹی کا تاثر پیدا کیا جارہا ہے۔

جب کہ اپنی پارٹی کا الگ اپنا ایک موقف ہے۔

جب کہ پارٹی کی جانب سے اس کے صدر و بانی الطاف بخاری کےعلاوہ سینئیر سیاسی رہنما غلام حسن میر اور سابق رکن اسمبلی بارہمولہ جاوید حسن بیگ نے عوام سے خطاب کیا اور ڈی ڈی سی الیکشن میں بھر پور حصہ لینے کا مطالبہ کیا۔