No-confidence Motion in Bandipora: اپنی پارٹی کے کاؤنسلر کی تحریک عدم اعتماد میں شکست

بانڈی پورہ میونسپل کونسل میں وارڈ ممبران کی جانب سے چئیرمین اور وائس چیرمین کے خلاف عدم اعتماد پر ووٹ ڈالے گئے جس میں چودہ میں سے آٹھ ممبران نے موجودہ چیئرمین خورشید احمد گنائی اور وائس چیئرمین مقصود احمد کے خلاف ووٹ ڈالے۔ Voting against Chairman and Vice Chairman Bandipora

بانڈی پورہ:جموں و کشمیر کے ضلع بانڈی پورہ میونسپل کونسل میں وارڈ ممبران کی جانب سے چئیرمین اور وائس چیرمین کے خلاف تحریک عدم اعتماد پر ووٹ ڈالے گئے جس میں چودہ میں سے آٹھ ممبران نے موجودہ چیئرمین وائس چیئرمین خورشید احمد گنائی اور مقصود احمد کے خلاف ووٹ ڈالے۔ اس سے اب یہ ظاہر ہوگیا ہے کہ اگلے چند روز میں بشارت احمد نجار ایک بار پھر میونسپل کارپوریشن بانڈی پورہ کے چئیرمین کا عہدہ سنبھال سکتے ہیں۔ Apni party councilor loses no-confidence motion in Bandipora

اطلاعات کے مطابق خورشید احمد اور مقصود احمد کے خلاف اپوزیشن کے ممبران نے اس ماہ کی 9 تاریخ کو عدم اعتماد پیش کیا تھا جس کے بعد ووٹنگ کرائی گئی۔ ووٹنگ میں جے پی کے حمایتی ممبران نے موجودہ چئیرمین اور وائس چیرمین کے خلاف 8 ووٹ ڈال کر عدم اعتماد کو کامیاب بنایا۔

واضح رہے کہ میونسپل کونسل کے چئیرمین اور وائس چیرمین کے عہدے کے لئے بی جے پی اور جموں و کشمیر اپنی پارٹی کے درمیان مقابلہ تھا، پچھلے دو سالوں سے دونوں پارٹیوں کے ممبران کے مابین کھینچا تانی جاری تھی جس کو دیکھتے ہوئے بی جے پی سے تعلق رکھنے والے ممبر بشارت احمد نجار نے چیئرمین اور وائس چیئر کے خلاف عدم اعتماد پیش کیا تھا