منشیات کے خلاف مہم جاری رہے گی: ایس ایس پی

ایس ایم ایس پی اونتی پورہ طاہر سلیم نے پریس کانفرنس سے خطاب کرتے ہوئے کہا کہ ' برگ پوست اور بھنگ کے خلاف پولیس کی جنگ جاری رہے گی'۔

منشیات فروشوں اور غیر قانونی طور پر خشخاش اور بھنگ کی کاشت کرنے والوں کے خلاف جنگ جاری رکھنے کا عزم ظاہر کرتے ہوئے ایس ایس پی اونتی پورہ طاہر سلیم نے بتایا ہے کہ جنوبی کشمیر کے اس علاقے میں پولیس کی طرف سے چلای جا رہی مہم کی عوامی حلقوں میں سراہنا کی جارہی ہے اور یہ پولیس کے لیے کافی حوصلہ افزا ہے۔

موصوف آج ایس ڈی پی او اونتی پورہ اعجاز چودھری کے ہمراہ ایک پریس کانفرنس سے خطاب کر رہے تھے طاہر سلیم نے بتایا کہ غیر قانونی طور پر کاشت کی جا رہی خشخاش اور بھنگ کے خلاف جدید مشینوں کا استعمال کیا جا رہا ہے جبکہ اس غیر قانونی کاشت کاری میں ملوث 24 افراد کو گرفتار کیا گیا ہے۔

انہوں نے مزید بتایا کہ 214 کنال اراضی پر پھیلی ہوئی خشخاش اور بھنگ کی فصل کو تباہ کر دیا گیا ہے۔

واضح رہے کہ پولیس ڈسٹرکٹ اونتی پورہ کے تحت آنے والے علاقوں کھریو پامپور، ترال اور اونتی پورہ میں چار پولیس اسٹیشن موجود ہیں جنہوں نے کورونا وائرس کے پھیلاؤ کو روکنے کے لیے اہم اقدامات اٹھائے ہیں جبکہ کئ اوقات پر راشن کٹس بھی مستحق افراد میں تقسیم کیے ہیں۔