اننت ناگ: حلقہ آکورہ کو زرعی ماڈل گاؤں کے طور پر اپنایا گیا

اے ای او مٹن ڈاکٹر ملک سجاد نے کسانوں کو خطاب کرتے ہوئے کہا کہ اس پروگرام کا مقصد ترقی پسند کسانوں کی پیداوار اور آمدنی کو دوگنا کرنا ہے جو نئی مصنوعی ٹکنالوجیوں کو اپنا کر حاصل کیا جاسکتا ہے۔

جنوبی کشمیر کے ضلع اننت ناگ کے حلقہ انتخاب بجبہاڑہ کے مٹن میں محکمہ زراعت کی جانب سے ایک پروگرام منعقد کیا گیا جس میں پنچایت حلقہ آکورہ کو زرعی ماڈل گاؤں کے طور پر اپنایا گیا ۔

اس موقع پر نوڈل آفیسر اور اے ای او مٹن ڈاکٹر ملک سجاد نے کسانوں کو خطاب کرتے ہوئے کہا کہ اس پروگرام کا مقصد ترقی پسند کسانوں کی پیداوار اور آمدنی کو دوگنا کرنا ہے جو نئی مصنوعی ٹکنالوجیوں کو اپنا کر حاصل کیا جاسکتا ہے۔

اس پروگرام میں کسانوں کو مختلف اسکیموں سے باور کرایا گیا جس میں خاص طور پر کے سی سی، پی ایم کسان وغیرہ پر بھی روشنی ڈالی گئی اور اس موقع پر کسانوں کو دستخط کرنا بھی سکھایا گیا۔

اس دوران کسانوں کو اسکیموں کے بارے میں جانکاری فراہم کی گئی جس میں اُن کو یقین دہانی کرائی گئی کہ اسکیم سے مستفید ہونے والے کسانوں کی آمدنی دگنی کی جائے گی۔

اس اقدام کو لیکر بعد میں کسان برادری کی طرف سے اس پروگرام کی کافی سرہانہ کی گئی۔

اس دوران ملک سجاد نے کہا کہ ہم پورا سیزن کسانوں کے ساتھ رہے گئیں، اور عوامی دربار کے ذریعے ان کو جانکاری فراہم کرئیں گئے۔