ضلع ہسپتال باںڈی پورہ میں اکیس جنوری سے کووڈ ویکسینیشن کا عمل شروع ہو گیا۔ اگرچہ ابتدا میں میڈیکل سپرٹنڈنٹ ضلع ہسپتال باںڈی پورہ اور دیگر کئی سینئر ڈاکٹرز نے ویکسین لے لیا ہے۔
تاہم یہ اطلاع بھی آئی تھی کہ یہاں پر کئی ہیلتھ ورکرس یہ ویکسین لینے سے کترا رہے ہیں اور انہوں نے ٹیکہ لگوانے سے انکار کر دیا ہے۔
اس سلسلے میں سی ایم او باںڈی پورہ نے آج صبح ہسپتال پہنچ کر ویکسین لگوایا اور تمام ہیلتھ ورکرس کو ویکسین لینے کی صلاح دیتے ہوئے خود کو کورونا سے محفوظ رکھنے کی اپیل کی۔
ہیلتھ ورکرس کی جانب سے ویکسین لینے سے انکار کرنے کے سوال پر سی ایم او باںڈی پورہ نے کہا کہ شروعات میں ہر نئی جیز کے متعلق خدشات پائے جاتے ہیں۔ تاہم انہوں نے یقین دلایا کہ چند دنوں میں سبھی ہیلتھ ورکرس ویکسینیشن سے استفادہ کریں گے۔
