سڑک حادثے میں دو ہلاک ایک زخمی

جموں و کشمیر کے ضلع اننت ناگ کے دُونی پورہ بجبہاڑہ کے مقام پر ایک دلدوز سڑک حادثہ پیش آیا جس دوران موقع پر ہی دو افراد ہلاک جبکہ ایک شخص زخمی ہوا ہے۔

تفصیلات کے مطابق یہ حادثہ اس وقت پیش آیا جب ایک سویفٹ کار میں سوار تین افراد سرینگر سے جموں کی جانب جا رہے تھے۔

تیز رفتار کی وجہ سے گاڑی ڈرائیور کے قابو سےباہر ہو گئی اور سڑک کے بیچ لگے ڈیوائیڈر سے جا ٹکرائی۔

ہلاک شدگان کی شناخت حول سرینگر کے رہنے والے سید امام الدین، سید علی زید کے طور پر ہوئی ہے جبکہ دانش احمد زخمی ہوئے ہیں جو صورہ سرینگر کے رہنے والے ہیں۔

زخمی شخص کو نازک حالت میں سرینگر اسپتال منتقل کیا گیا ہے۔